Cuntadino ri lu Ciliento
Cunta cunta cuntadino
si susa ambressa ogni matino
cunta cunta cuntadino
sbatti l’ova cu lu vino
cuntadino cunta cunta
a la campagna lu suli spunta
cuntadino cunta cunta
quanna torna na zoria ascunta
cunta cuntento cuntadino
ca si nzura crammatino
cuntadino cunta cuntento
ca si nzura a lu Ciliento
Febbraio 2022 Lorenzo Carrato
Carniluvaru
Carniluvaru viecchiu pacciunu
s’è bbinnutu lu pagliunu
pane e binu s’è accattatu
cu sauzicchi e supirsate
Li crispelle cu abbundanza
s’è mangiatu a schiattapanza
l’è crisciutu nu panzunu
c’assumiglia a nu saccunu
Vivi, vivi e al’antrasatta
tutta russa la facci s’è fatta
po li schiatta puri la panza
e ancora mangia senza crianza
Accussì mori Carniluvaru
e li fanu lu funirali
ra la pulviri era natu
e inta lu pulviri è turnatu
Vau traiennu
Tengu na fami, na siti e nu suonnu
su aridduttu ca vau traiennu
si m’azzicca na fimmina attuornu
mi passa la fami, la siti e lu suonnu
Catarina
Catarina vascia vascia
mitti lu peri ngoppa la cascia
vai la musca cavaddina
pizzica lu peri a Catarina
Funtanella
Funtanella funtanella
cà ngi bbivi na paparella
chistu l’acchiappa
chista la pinnica
chistu la coci
chistu si la mangia
e chistu rici piri pirillu
ramminni a mi ca su piccirillu
Mastu Cicciu
Sica sica mastu Cicciu
la panella e lu sasicciu
lu sasicciu ngi mangiamu
e la panella li turnamu
Mussulini
Quanna ngera Mussulini
si mangiava tutti li matini
quanna vineru l’amiricani
quanna po vineru li russi
ngi cusemmu proprio lu mussu
Carmelina da Montano
Lu ciuccio ri Zi Arricuccio
Ng’era na vota Zi Arricuccio
s’avìa accattatu nu bellu ciuccio
na matina Zi Arricuccio
truvao muortu lu bellu ciuccio.
Lu rittu anticu nunn’è sbagliato
lu cani muzzica a lu strazzatu
Quaraisima
Tri tizzuni
Tri tizzuni ri cerza attizza attizza
attizza attiza tri tizzuni ri cerza
tri tizzuni ri cerza aggià attizzà,
picchì tri masti attizzaturi
sti tri tizzuni ri cerza
nun su capaci r’attizzà
Voca vucanza
Voca Vucanza
jamunginni a Sanza
Sanza e la marina
Ciccandonio e Carulina
Ninna nanna
Ninna nanna nunnarella
lu lupu si mangiau la picurella
picurella comi facisti
quanna mmucca a lu lupu ti viristi
picurella comi campasti
quanna mmucca a lu lupu ti truvasti
ninna nanna nunnarella
lu lupu si mangiau la picurella
Santa Barbara
Santa Barbara ija ppi mari
nun zi mbunnia e nun zi nicava
l’ascuntau Santa Maria
” chì bbai facennu rivota mia “
Vau accugliennu truoni e lampi
ppì salvari a tutti quanni
Duci
Duci Duci
comi nge fatt arriduci
lu iuornu senza pani
la sira senza luci
e la notti l’ariuplani
